سعودی عرب کا حجاج کی خدمات میں کوتاہی برتنے والوں کیخلاف سزا اور جرمانے کا فیصلہ
ریاض ( ڈیلی پاکستان آن لائن ) سعودی عرب کی وزارت حج و عمرہ کی کمیٹی نے حج سیزن میں مملکت کے اندرونی حجاج کرام کی خدمات میں کوتاہی برتنے والوں کیخلاف سزا اور جرمانے کا فیصلہ کرلیا ہے ۔
العربیہ کے مطابق کمیٹی نے ان کمپنیوں اور اداروں کو سزا دینے کا فیصلہ کیا ہے جنہوں نے اندرون مملکت سے حج کرنے والوں کی خدمات میں کوتاہی برتی ، ان سزاؤں میں افراد اور کمپنیوں کے خدمات کے معاہدے کی معطلی اور جرمانے شامل ہیں ۔
سعودی وزارت حج و عمرہ کی جانب سے کہا گیا کہ اللہ کے مہمانوں کی خدمت میں کوتاہی برداشت نہیں کی جائے گی ، وزارت حج و عمرہ تمام حجاج کرام کے حقوق کو یقینی بنانے کیلئے پر عزم ہے اور خدمات کے معیار کو بلند کرنےکیلئے کوشاں ہے ۔
No comments:
Post a Comment